Ao respecto do modelo de factura única entendemos que é unha ferramenta que vai dotar de maior claridade e transparencia ao mercado do leite. Dese xeito un productor poderá saber canto, como, e en concepto de que se lle prima ou desconta no seu leite, ademáis de permitir comparar as facturas entre distintos productores e industrias baseándose nos mesmos conceptos.
No tocante ao Observatorio entendemos que será un instrumento que nos vai permitir, en base a datos fiables e contrastados, coñecer a tendencia e a evolución dos prezos do leite. Grazas a eses datos, o sector poderá determinar en cada momento a tendencia que deben seguir os prezos do leite en orixe. Coñecendo eses índices técnico–económicos de referencia alomenos na teoria, remataria a arbitrariedade da industria láctea de fixar os prezos do leite a percibir polo gandeiro á libre discreción da empresa láctea.
En definitiva, Xovenes Agricultores aplaude este acordo pero entende que esto e o principio e que debemos seguir a traballar para acadar, entre outras cousas, un modelo de contrato de suministro entre as empresas lácteas e os gandeiros. Na actualidade non existe ningún tipo de vinculación contractual entre o gandeiro e a industria polo que esta pode decidir en calquera momento, e ao seu capricho, si lle recolle ou non o leite a un gandeiro.
Santiago 15 de marzo de 2007
Deja un comentario