O sindicato Unións Agrarias denuncia que o Ministerio de Traballo está aplicando subas ilegais a 6.000 cotizantes agrarios desde a entrada en vigor o pasado 1 de xaneiro da novo modelo de cotización para traballadores autónomos.
O afán recaudatorio da Seguridade Social leva a que se confunda de xeito interesado as Sociedades Agrarias de Transformación (SAT) e as Sociedades Civís (SC), con sociedades mercantís, cando non teñen nada que ver os seus modelos de tributación. Con esta artimaña ilegal o Ministerio está trasladando un incremento de 65 euros mensuais aos máis de 6.000 gandeiros e agricultores que cotizan a través de SAT e SC.
Unións Agrarias vén de solicitar unha reunión urxente co delegado do Goberno, Samuel Juárez para trasladarlle a gravidade desta situación coa que a Seguridade Social tenta recadar de xeito ilegal case 400.000 mensuais euros en Galicia. O sindicato esixe que se paralice inmediatamente este proceso recaudatorio e se devolvan todos os cargos feitos de maneira irregular.
Deja un comentario