O sindicato Unións Agrarias vai a solicitar unha reunión urxente con responsables da Consellería de Medio Rural para que expliquen como é posible que gran parte das explotacións gandeiras que teñen recoñecido o carácter de prioritaria, e polo tanto con dereito a percibir unha subvención complementaria na contratación da seguros agrarios, estexan vendo como non lle aplican os descontos establecidos pola normativa estatal de seguros agrarios.
Nestes días están chegando ás explotacións de toda Galicia notificacións nas que se indica que a Xunta de Galicia a requeremento da Empresa Nacional de Seguros Agrarios (ENESA), non aportou a documentación necesaria para acreditar que unha explotación ten recoñecido o carácter de prioritaria. Esta situación provoca que automaticamente a granxa perda as bonificacións na contratación de pólizas contra continxencias.
Para a organización agraria este feito so pode respostar a un interese recadador de ENESA para cotizar a alza as pólizas e tamén da Consellería de Medio Rural posto que o gandeiro terá pagar unha taxa de 10 euros para facerse coa documentación que a Xunta de Galicia tería que ter enviado de oficio.
O sindicato Unións Agrarias lembra que Galicia é unha das zonas de todo o Estado que menos pólizas de seguro subscribe pola constante caída de rendas no agro. Así, ao longo deste anos moitos dos produtores afrontan esta calamidades climatolóxicas ou sinistros nas explotacións sen a cobertura adecuada dun seguro por falta de recursos para poder contratalo. Os continuos recortes do Ministerio nas axudas a través de ENESA provocou a non renovación de pólizas de Agroseguro.
Deja un comentario