Xóvenes Agricultores-Asaja Galicia, diante das informacións sobre a suspensión dun programa da TVG adicado a acontecementos pasados vencellados ás vacas tolas, desexa facer as seguintes puntualizacións.

– XX AA entende que nestes momentos a emisión dun programa sobre acontecementos pasados vinculados ás vacas tolas, podería contribuír a sementar desconfianza nos consumidores e inquietude no sector.

– Á vista da actual situación do sector gandeiro, coa crise de prezos no sector leiteiro e mailas informacións sobre sanidade animal –gripe aviar ou porcina-, transmitir inquietude aos consumidores podería pór en risco a estabilidade das explotacións e os intereses dos gandeiros.

– Como é obvio a decisión de aplazar a emisión do programa, non corresponde a esta organización agraria, senón aos responsables da TVG, os cales valoraron a non conveniencia da súa emisión nestes momentos, deixando a porta aberta a unha difusión posterior.

– En calquera caso, Xóvenes Agricultores congratúlase da decisión da TVG, xa que considera que a actual conxuntura do sector primario, e os intereses dos produtores, non se deben ver afectados por unha mala imaxe do pasado.