A Axencia Tributaria está poñer en grave risco a incorporación de mozos e mozas ás explotacións gandeiras de Galicia. A política recaudatoria do Ministerio de Hacienda pretende facer caixa grazas as axudas recibidas da Xunta naquelas explotacións que rexistraron incorporación de xoves á actividade agrogandeira. Deste xeito, as declaracións da renda dos produtores novos están sendo modificadas pola AEAT co argumento de que os ingresos percibidos de man da Xunta de Galicia deben tributar como subvención corrente e non como axuda de capital polo que pasan directamente a liquidación de impostos do IRPF de ese ano.

Para UUAA este criterio irracional supón un erro claro de interpretación xa que non ten ningún sentido que unha administracións lle dea aos mozos unha axuda para a súa actividade, para dinamizar o rural e fixar poboación e que desa axuda outra administración se leve unha boa parte importante en concepto de impostos. Estas incongruencias fóronlle trasladadas á delegada especial de Hacienda, Imelda Capote polo secretario xeral de UUAA, Roberto García, no marco dunha reunión na mañá de onte sen que ata o momento se teña resposta no sentido dunha modificación do criterio. Tendo isto en conta desde a organización agraria vaise a dirixir por carta ao presidente da Xunta, Alberto Núñez Feijoo, para informalo de que os fondos que Galicia destina a incentivar a renovación nas explotacións agrogandeiras, e por extensión o rural, serven nunha boa parte para incrementar os ingresos do Goberno central. No marco do encontro na Delegación da AEAT en A Coruña tamén se trasladou a problemática que están a vivir moitos produtores que a día de hoxe aínda non lle foron libradas as cantidades correspondentes a PAC do exercicio anterior, nun momento de especial dificultades financeiras nas granxas. Todo iso a pesar da declaración do presidente da Xunta na que poñía en valor a solvencia da súa administración xa que Galicia non mantiña débedas con ninguén. O sindicato esixe un pouco de lealdade co medio rural para pagar o que debe, e tamén que sexan consciente de que está metendo nun lío fiscal a moitos gandeiros ao acumular previsiblemente dous pagos nunha única anualidade para alegría novamente de Cristobal Montoro, ministro de Facenda.