O sindicato Unións Agrarias trasladoulle onte aos responsables da AICA, (Agencia de Información y Control Alimentarios), como organismo, adscrito ao Ministerio de Agricultura, encargado de mellorar o funcionamento da cadea alimentaria, a situación de ilegalidade na que se atopan a totalidade dos viticultores, que se ven obrigados a vender as uvas sen contrato.

No encontro que tivo lugar na Subdelegación do Goberno en Pontevedra, os representantes na mesa de UUAA, puxeron de manifesto que as adegas atópanse en fraude de lei polo é preciso antes de calquera medida, resolver cando e canto van cobrar os colleiteiros polas uvas que xa entregaron na vendima.

Para a organización agraria é necesario que a negociación colectiva sexa unha realidade en cada Denominación de Orixe, para evitar que os produtores sufran de xeito individual a presión das adegas para rebaixar o prezo da uva e se dean uns prazos de pago reais e xustos tras a entrega das uvas.

Finalmente, Unións Agrarias lémbralle a Xunta de Galicia que ten competencias plenas para erradicar unhas prácticas abusivas sobre os viticultores que de perdurar, poñerán en risco a viabilidade dun modelo de produción que foi chave para acadar os estándares de calidade logrado polos viños e galegos, e o é que tan importante, manter vivas moitas comarcas de Galicia que non teñen outra actividade económica.